წარმოგიდგენთ ჩვენს სახალისო და ინტერაქტიულ სავარჯიშოების რვეულს, რომელიც განკუთვნილია სკოლამდელი ასაკის ბავშვებისთვის, ვინც სწორედ ახლა სწავლობს ანბანს! თითოეულ ფურცელზე მოცემულია ანბანის სამი ასო და რამდენიმე სურათი, რომელთა სახელებიც იწყება ამ ასოებზე. სამუშაოს მიზანია, დავეხმაროთ ბავშვებს ამოიცნონ თითოეული ასო, წარმოთქვან სურათის აღმნიშვნელი სიტყვები და ფანქრით შეაერთოს ეს ასოები შესაბამის სურათებთან.

სავარჯიშოები კიდევ უფრო სახალისო რომ გახდეს, ბავშვებს აქვს ნახატების გაფერადების შესაძლებლობაც. ეს ხელს შეუწყობს მათი ნატიფი მოტორიკის და შემოქმედებითი უნარების განვითარებას.

ამ დავალების გარდა, თითოეული სიტყვა ბავშვებმა ხმამაღლა უნდა წარმოთქვან და ტაშის დახმარებით გაიგონ, თუ რამდენი მარცვლისაგან შედგება ეს სიტყვა. ასეთი სავარჯიშო დაეხმარება ბავშვებს განივითარონ მათი ფონოლოგიური ცნობიერება და გააუმჯობესონ ენობრივი უნარები.

ბოლოს, ასოებისა და სურათების ერთმანეთთან დაკავშირებისა და ნახატების გაფერადების შემდეგ, ბავშვებმა უნდა დააკავშიროს თითოეული ეს ნახატი, ამ სიტყვაში შემავალი მარცვლების რაოდენობის შესაბამის რიცხვთან. ეს სავარჯიშო დაეხმარება ბავშვს მისი დათვლის უნარების განვითარებაში და რიცხვების, როგორც რაოდენობრივი ცნებების აღქმაში.

ბავშვებისათვის ანბანის სწავლის პროცესში, ასეთი სავარჯიშოები შესანიშნავი დამხმარე საშულებაა მშობლებისთვის, მასწავლებლებისთვის და აღმზრდელებისთვის. ის შექმნილია ყურადღების, კონცენტრაციის, ნატიფი მოტორიკის, ფონოლოგიური სმენის, ენობრივი უნარებისა და დათვლის უნარების გასაუმჯობესებლად.